قناعات خاطئة بخصوص مصمم ومطور الويب
==========================
1- المطور أحسن من المصمم ومطلوب أكتر.
المطور والمصمم عضوين فعالين في اخراج أي مشروع برمجي للنور ولا غنى عن واحد فيهم لو المبرمج عبقري وعمل شغل عالي جدا في ال Back End ومفيش مصمم كويس يعمل Interface محترم خلاص المشروع كله باظ وشغل المطور راح في داهية. علشان كدة مينفعش تقارن بينهم ولا تخلي واحد أحسن من التاني الاتنين بيكملوا بعض والإتنين مهمين والإتنين مطلوبين ماداموا محترفين.
-----------------
2- المصمم لا يفكر ولا يحتاج للرياضة مثل المطور.
غير صحيح أبدا ان التصميم لا تحوي على تفكير وذكاء وحسابات ورياضة فكل شيء في التصميم حاليا يعتمد على الجافاسكربا وحساب أطوال العناصر وحجم خط الصفحة وقسمة الخط على العناصر لتخرج بالبكسل الصحيح ليظر لك موقع سليم ومتوافق مع معايير ال Typography والقراءة الجيدة. وكمان بتحتاج كتير لما تبني Grid System انك تتعامل مع الرياضة وتحسب العناصر وبناء عليها تقدر تحسب كل عنصر هياخد كام من ال Container ونفس الحال في المقاسات والهوامش. وأيضا لمن يعمل على ال PreProcessor مثل ال Sass هيلاقي كتير جدا حاجات هتحتاج لتفكير برمجي و Functions تنفعه في قياس العناصر والخطوط والتلاعب بالصفحة ويحتاج للتفكير كتير جدا علشان يطلع ب Component و Mixins و Functions تساعده في شغله انه يطلع عمل محترف وعلشان كدة انسى فكرة ان المصمم مش بيفكر او بيحتاج لذكاء بالعكس المصمم مع اللمسة الإبداعية بيحتاج انه يفكر ويجرب كتير ويستخدم الرياضة جدا.
---------------
3- المصمم شغله اسهل من المطور.
من أكتر القناعات الخاطئة جدا جدا جدا ان الناس تتخيل علشان المطور شغله برمجة و Services وبناء بنية للمشروع وتصميم لقاعدة البيانات وكل ما يخص التطبيق اللي هيعمله ان كل دة يخليه يفكر ان المصمم مش بيعمل حاجة او انه شغله يصمم موقع ويديه للعميل وبس لا في حاجات كتير جدا المطور مش بيعملها ومش عارف قد ايه متعبة وهي التعامل مع كل Pixel في كل متصفح مختلف عن التاني ومع اختلاف المتصفحات هنتعمق أكتر ونقول كل اصدار من كل متصفح بيتعامل مع الصفحة بشكل مختلف لذلك ال Output اللي بيطلعه المطور من بيانات بيخرج للصفحة في كل مكان بنفس الشكل لكن مع المصمم يختلف الموضوع لازم يجرب ويخطط ويعمل هوية للموقع ويغير مئات المرات في الالوان واحجام الخطوط ومكان العناصر علشان يطلع بشكل كويس وبعد ميعمل كل دة ينقل لمتصفح تاني علشان يعالج مشاكل التوافق ومشاكل ال Scripting ويلاقي حلول لكل شيء يخص التصميم علشان يطلع بالشكل المطلوب وبعد كل دة بيبدأ يشوف ال Performance الخاص بالصفحة وايه اللي مبطأ الصفحة ويبدأ يتعامل مع ال Script ويشوف يقدر يختصر ايه ويبدل ايه ويعمل ايه علشان يكسب Kilobyte زيادة في الصفحة وبعدها مرحلة الأنيميشن اللي لازم يعملها بفن علشان ميخربش الصفحة من ناحية الشكل والأداء.
---------------
4- المصمم آخر خبراته Html + Css وشكرا.
التصميم عالم كبير جدا وفيه كل ما لا تتخيل. التصميم عبارة عن بناء هوية كاملة وتجربة مستخدم وتجارب لا تنتهي وذوق وإبداع وفن في اختيار الالوان والخطوط وفي تقنيات كتيرة جدا ممكن المصمم يتعلمها تفوق لو انك بتتعلم لغة واحدة من لغات البرمجة وعلى سبيل المثال انت ممكن كمصمم تتعلم مثلا بجانب لغات التصميم والبرمجة Extension يساعدك في التصميم زي Sass أو Less أو Stylus وممكن تتعلم أي Task Runner يوفر عليك الوقت زي Gulp أو Yarn وممكن تتعلم Template Engine تساعدك في تسهيل الشغل وتوفير الوقت زي Slim أو Haml علشان تقدر تستعمل إمكانيات لغات البرمجة في لغة Html وكمان تقدر تستعمل مكتبات تساعدك في الشغل زي jQuery أو Toolkit زي Dojo وأطر عمل زي AngularJs أو VueJs يعني الموضوع مش بس Html + Css زي ما ناس كتير فاهمة دة مجال كبير جدا وعالم مش صغير خالص ومش أي حد يسلك فيه او يطلع حاجة احترافية. وغير انك بتحتاج تتعلم أنظمة ادارة المحتوى اللي هتصمم ليها Theme يعني الموضوع لسه فيه شغل ولسه في أبواب مفتوحة لازم المصمم يتعلمها.
--------------
5- البرامج الي بتعمل مواقع لوحدها تغني عن المصممين.
أكبر غلطة ممكن تقع فيها في حياتك انك تفكر البرامج الفاشلة دي ممكن تخلي الناس تستغنى عنك كمصمم. لسه بدري جدا لسه عشرات السنين علشان يطلع Algorithm منظم وذكي يوصل لمخ الإنسان في الإبداع واختيار الالوان والتوافق وغبتكار فكرة جديدة العالم يمشي وراها. يعني لا تقلق أبدا ابدا أبدا لان دة مستحيل والأهم من دة ان التصاميم اللي بتطلع من البرامج دي مستحيل توصل لجودة كود احترافي Hand Crafted ومعمول بجودة عالية ومنظم يعين المقارنة شبه مستحيلة ونوعية البرامج دي بتنفع لواحد عاوز موقع بخمسة جنيه وبسرعة يعني لا ترتقي لفريق عمل احترافي بيعمل شغل احتراف
--------------
6- التصميم عبارة عن حفظ أكواد.
التصميم ليه عوامل كتير جدا لو مش موجودة في المصمم هيتحول ل Code Writer وبس وهي الإبداع والنظرة المختلفة للتصميم والخبرة في ال User Experience وكيفية التعامل مع التصميم وإختيار الخطوط الصحيحة المناسبة لهوية الموقع والتحكم الصحيح في أماكن العناصر لتظهر بشكل جميل وغير متعب للعين. واللمسة الفنية الموجودة عند ال Artist لان التصميم عبارة عن لوحة فنية مش أي شخص يقدر مسك الريشة ويرسم رسمة جميلة داخل اللوحة.
--------------
7- المطور يحتاج لتحليل المشروع لكن المصمم لا يحتاج.
بعض المصممين عندهم خاصية انه يتخيل التصميم وممكن ييرسمه في المتصفح مباشرة مثل الرسام الذي يرسم مباشرة ويكون عنده التخيل والشكل الأخير. ولكن في العادي والطبيعي المصمم يقوم بعمل Prototype للتصميم ثم بعدها مرحلة ال Mockup ثم تبدأ مرحلة كتابة الكود أي أنه يمر بأكثر من Layer قبل البدأ في الكود وهناك من يقوم بالتخطيط بواسطة الورقة والقلم وتعددت الأسليب لكن الفكرة واحدة ولذلك الموضوع ليس كما يتصور البعض أن التصميم لا يحتاج لاي تحليل ولا تخطيط قبل البدأ فيه لذلك تعامل مع التصميم مثله مثل البرمجة فهو مشروع وفيه شغل كثير ويحتاج لتحليل وتخطيط.
--------------
8- المطور أذكى من المصمم لانه يتعامل مع لغات البرمجة.
غير صحيح ابدا والمستوى واحد ان لم يكن هناك فلتات في كل مجال منهم وهناك مصمم أذكى من مطور ومطور أذكى من مصمم والعكس موجود دائما. وفي عالمنا الحالي المصمم يتعامل مع الكثير من لغات البرمجة في عمله فثلا كونك مصمم تتعامل مع Extension Language مثل ال Sass فأنت تعرف كيف تستخدم For Loop و While Loop وكيف تتعامل مع ال Functions وال Variables وكيف تقوم بعمل Function خاصة بك وكيف تقوم بعمل Include لل Helpers التي تساعدك وايضا Algorithm خاص بك يساعدك في تحليل الالوان وإستخراج تدرج لون معين وقد قمت بعمل أكثر من Algorithm يساعدني في التصميم بواسطة Sass ويمكنك البحث عن مثال Bubble Sort Algorithm With Sass لترى المثال. ونفس الحال عندما تقوم بكتابة ال Markup الخاص بلغة Html بأي Template Engine مثل Slim فأنك تتعامل هنا مع عناصر لغات البرمجة والفكرة هنا انه لا داعي للتفريق بين الإثنين وليس معنى ان الشخص اختار مجال التصميم انه لابد وأن يكون اقل ذكاء من المطور ولكنه هو المجال الذي وجد نفسه فيه.
ليست هناك تعليقات:
إرسال تعليق